Elke beweging skeur vel van vleis
Jy vrees, jou voete vergruis.
Krampe van moegheid ruk jou liggaam styf
Jy’s ʼn swaan sonder verblyf.
Swerwe oor die vloere heen,
Dawerende applous is daar geen.
Jou arms hang soos druppels in die lug
Hyg-hyg, terwyl jy bomenslikheid verrig
Maar daar is honderde om jou,
Hul veg na water, verwring vertrap.
Asem, jou knieë knak en jy kan nie
meer op jou tone kom. Vertrap verskeur
gelate val jy neer, jou oog aanskou ...
.... ʼn swanemeer.
No comments:
Post a Comment